Krıvıy Riğ şeerinde qurtarıcılar qıdıruv-qurtaruv işlerini bitirdi, dep haber ete Ukrayına İç işler nazirligi.
Berilgen malümatqa köre, bir kişi elâk oldı ve 59 insan yaralandı.
Bundan evel 52 insan zarar kördi, dep aytıldı.
Rusiye ordusı sentâbrniñ 8-nde saba Krıvıy Riğ şeerine ateş açtı. Yerli akimiyet başta bir insan elâk oldı ve doquz kişi yaralandı, dep bildirdi. İç işler nazirliginiñ reberi İğor Klımenko bildirgenine köre, Rusiye darbesi sebebinden polisniñ memuriy binalarından biri yıqıldı – polis hadimi elâk oldı. Daa doquz polis hadimi yaralandı, üçü yıqılğan binalarnıñ altından çıqarıldı.
Açılğan ateş 200 metr kârede yanğın sebebi oldı. Bundan ğayrı, mesken evler zarar kördi.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
