Avropa Birliginiñ Ukrayina ve Moldovanıñ qoşulması aqqında muzakerelerni başlamaq qararı, "tarihında eñ yahşı vaqıtlarnı yaşamağan" birleşmeniñ stabilligini boza bile, dep bildirdi Kreml spikeri Dmitriy Peskov.
''Ukrayina ya da Moldova bu kriteriylerge uymağanı körünip tura... Şunıñ içün, elbette, añlaşıla ki, bu tamamen siyasiy bir qarardır ve AB bu memleketlerge qoltutqanını köstermege istey. Böyle yañı azalar AB-ni kerçekten de kerginleştire bile'', - dep ayta Peskov
Peskov, Rusiye Avropa Birligi ile aynı qıtada yaşağanı içün muzakereler Moskvanı meraqlandıra ve Rusiye bunı diqqatnen közetkenini qoştı.
Dekabrniñ 14-nde Avropa Şurası Ukrayina ve Moldovanıñ Avropa Birligine kirmesi aqqında muzakerelerni başlamağa qarar aldı, em de Gürcistanğa AB-ne namzet statusını berdi. Muzakerelerniñ başlanmasına qarşı çıqqan Macaristan baş naziri Viktor Orban bu mesele boyunca rey berüv vaqtında yoq edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
