Kremlde iyünniñ 27-nde aqşam Kramatorskqa raketa ücüminiñ nişanı grajdan obyekt olğanını itiraz ettiler.
"Rusiye Federatsiyası grajdan infraterkibine darbeler endirmey. Darbeler arbiy infraterkip ile bağlı olğan obyektlerge endirile", - dep bildirdi RF prezidentiniñ spikeri Dmitriy Peskov.
Berilgen malümatqa köre, "İskander" raketası ile endirilgen darbe neticesinde 10 kişi ölgen, 60-tan ziyade yaralanğan.
Bugün Ukrayina Telükesizlik hızmeti iyünniñ 27-nde Kramatorskqa raketa darbesini endirmege yardım etken RF mahsus hızmetiniñ agentini yaqaladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
