Kremlde dekabrniñ 13-nde, işğal etilgen Ukrayina topraqlarınıñ Rusiye topraqları olaraq Ukrayina tarafından tanılması silâlı çatışmanıñ al etilüvinde ilerilev içün şarttır, dep bildirdiler. Rusiye prezidenti Vladimr Putinniñ matbuat kâtibi Dmitriy Peskov Ukrayina prezidenti Volodımır Zelenskıynıñ Moskvağa Milâd bayramına ordusınıñ çıqarılmasına başlamaq teklifini red etti.
"Ukrayina tarafı aqiqatnı köz ögüne almalı. Bu aqiqat RF-nıñ yañı topraqlarğa saip olğanını köstere. Bu aqiqatnı köz ögüne almadan iç bir ilerilev mümkün degil", - dedi Peskov.
Sentâbr ayında Moskva dört cenübiy ve şarqiy ukrayin vilâyetleriniñ ilhaqını ilân etti. Bular Donetsk, Lugansk, Zaporijjâ ve Hesron. Aqiqaten olar tam olaraq onıñ nezareti astında degil.
Noyabr ayında Moskva Herson vilâyetiniñ vilâyet merkezini terk etti.
Dekabrniñ 12-nde Ukrayina prezidenti Volodımır Zelenskıy, Rusiye Milât bayramınace öz ordusını Ukrayina topraqlarından çaqarmağa başlay bilir ve böylece tecavuzdan vazgeçmek qabiliyetini köstere bilir edi, dep bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
