Rusiye prezidentiniñ matbuat kâtibi Dmitriy Peskov Keriç köpründen keçken poyezdlerniñ yürüşiniñ açılışı "yılnıñ eñ müim vaqialarından birisi" dep ayttı. Bunı TASS rusiye haber agentligi bildire.
"Bu köpür pek müimdir ve demiryol alâqası çalışıp başlağanı da", - dedi Peskov.
Amma basqa müim vaqialarnı belgilemege Peskov içün qıyın oldı.
«Grand Servis Ekspress» naqliyat şirketi noyabrniñ 8-nde saba Keriç köprüden ketecek Qırımnıñ yolcu trenlerine bilet satmağa başladı.
Daa evel haber etilgeni kibi, Rusiye prezidenti Vladimir Putin, Keriç köpründe poyezdlerniñ yürüşi açılmasında iştirak ete bile. Bunı jurnalistlerge Putinniñ matbuat kâtibi Dmitriy Peskov haber etti.
