Kremlde, kelecekteki bayramlarda Ukrayinadaki arbiy areketleriniñ toqtatılması ile bağlı Kıyivden iç bir teklif almağanını ve Moskvada ateşniñ toqtatılması kün tertibinde olmağanını bildirdiler.
Rusiye prezidentiniñ matbuat kâtibi Dmitriy Peskov dekabrniñ 14-nde Rusiyeniñ Yañı yıl ve Milât bayramlarında arbiy areketlerini toqtatıp toqtatmaycağı ile bağlı sualgen cevap berir eken dedi: "Yoq, iç kimseden iç bir teklif kelmedi ve bu kibi mevzular kün tertibinde yoq".
Peskov şunı da qayd etti ki, "esas vazife "LNR ve DNR-de adamlarnı qorumaqtır" (söz Donetsk ve Lugansk vilâyetleriniñ RF tarafından işğal etilgen qısımları aqqındadır).
Dekabrniñ 12-nde Ukrayina prezidenti Volodımır Zelenskıy, Rusiye Milât bayramınace öz ordusını Ukrayina topraqlarından çaqarmağa başlay bilir ve böylece tecavuzdan vazgeçmek qabiliyetini köstere bilir edi, dep bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
