Link açıqlığı

Saatnıñ esas haberi

Kreml, Zelenskıynıñ inauguratsiyasına davet etilmegenlerini bildire


Rusiye prezidentiniñ vekili Dmitriy Peskov

Rusiye prezidentiniñ vekili Dmitriy Peskov Kremlde yañı saylanğan Ukraina prezidenti Volodımır Zelenskıynıñ inauguratsiyasına davet almağanlarını bildirdi.

«Bilgenime köre, bir de bir davet olmadı, iç bir seviyede. Ukrainadaki nizamnı bilmeyii, çünki, meselâ, bir çoq memlekette inauguratsiyağa çetel liderleri ya da musafirleri kelmey», – dep bildire Vladimir Putinniñ temsilcisiniñ aytqanlarını Rusiye kütleviy haber vastaları.

Peskov, Putinniñ Zelenskıy ile körüşüv ya da telefon subeti planları aqqında şimdilik bilmey, dep bildirdi.

Ukraina Yuqarı Radası mayısnıñ 16-nda yañı saylanğan prezident Volodımır Zelenskıynıñ inauguratsiyasını mayısnıñ 20-ne saat 10:00-ğa belgiledi.

Yañı saylanğan Ukraina prezidenti Volodımır Zelenskıynıñ matbuat hızmeti parlamentniñ qararını qabul etti, lâkin belgilengen kün kyivliler ve çetel eyyetleri içün bir sıra qıyınlıqlarğa yol açacaq, dep bildirdi.

XS
SM
MD
LG