Kreml «ÇVK Vagner» yolbaşçısı Yevgeniy Prigojin Rusiye prezidenti Vladimir Putinnen Kremlde isyandan soñ iyünniñ 23-24-nde körüşti, dep tasdıqladı.
Kreml spikeri Dmitriy Peskovnıñ aytqanına köre, iyünniñ 29-nda Putin arbiylernen körüşti, Prigojin de bar edi.
«Prezidentniñ böyle bir körüşüvi oldı. O, 35 insannı davet etti, bütün bölük komandanlarını ve Prigojinnen beraber şirket reberligini. Bu körüşüv iyünniñ 29-nda Kremlde oldı, üç saat devam etti. Tafsilâtları belli değil», – dedi Peskov.
Liberation frenk gazetası menbalarına esaslanıp, «ÇVK Vagner» qurucısı Yevgeniy Prigojin isyandan soñ Rusiye prezidenti Vladimir Putinnen körüşti, dep haber etti. Neşirniñ malümatına köre, bu körüşüv iyülniñ 1-nde oldı.
İsyandan soñ iyünniñ 23-24-nde Rusiyede «ÇVK Vagner» yalçılarını toplav noqtalapı qapatılıp başlandı. Rusiye şeerleriniñ soqaqlarından şirket ilânları yoq olıp başladı.
Yevgeniy Prigojinniñ «ÇVK Vagner» şirketi iyünniñ 24-nde Rusiyede Kreml gruppirovkanı dağıtmaq istey manaçığınen isyan yapmağa tırıştı. Neticede Prigojin Moskvağa barmaycaqlar ve «lagerlerine qayta», dep bildirdi.
Bundan soñ Rusiye mediası «Vagner» qurucısına qarşı cinaiy dava qapatıldı, dep bildirdi. Rusiye prezidenti Vladimir Putin iyünniñ 26-nda gruppirovkanıñ iştirakçileri qarar almalı, dep ayttı: Rusiye silâlı quvetlerinen añlaşmaq tizmek, hızmetini taşlap, «Beyazrusiyege ketmek». Prigojin anda ketti, dep aytılğan edi.
Prigojin «Moskva seferi» toqtatılğan soñ bergen izaatlarında maqsadı Rusiyede akimiyetni devirmek degil, «Vagner» şirketiniñ yoq etilüvine qarşı narazılıq bildirmek edi, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
