Link açıqlığı

Saatnıñ esas haberi

«Kreml içün Qırımnı qaytaruv kibi bir mesele yoq» – Rusiye prezidenti Dmitriy Peskovnıñ matbuat kâtibi


Dmitriy Peskov
Dmitriy Peskov

Kreml, Qırımnı işğalden qurtaruv meselesini Ukrainanen muzakere etmeycek. Bu aqta Rusiye prezidentiniñ matbuat kâtibi Dmitriy Peskov «RİA Novosti» Rusiye neşirine bildirdi.

«Yoq. Kreml içün böyle bir mesele yoq», – dedi Peskov.

Üç taraflı bağ gruppasındaki Ukraina eyyetiniñ spikeri Oleksiy Arestovıç Qırım «beş daqqa içinde işğalden azat etile bile», Donbastaki zıddiyet ise «bir telefon körüşüvinen toqtatıla bile», dep ayttı.

Rusiye prezidenti Vladimir Putinniñ iyünniñ başında bir qanun imzaladı. Oña binaen, arbiyler ve Rosgvardiyasınıñ hadimleri «qanunsız keçiş ıntıluvlarına yol bermemek içün qorulğan obyektlerni blok ete bile». Rosgvardiya Keriç boğazını ve Rusiye qurğan köpürni, Qırım ile Rusiye energetik hatlarını qorumaqta.

Daa soñra Ukraina eyyeti BM telükesizlik şurasınıñ halqara barışıq ve telükesizlik toplaşuvında Rusiye Azaq-Qara deñiz regionında askerlerniñ sayısını toqtamayıp arttıra dep, anda serbest gemi areketleriniñ sıñırlanmasını toqtatmağa çağırdı. Bu toplaşuvda Amerika Birleşken Devletleri de Rusiyeniñ Ukrainağa qarşı Qara ve Azaq deñizlerinde yapqan tecavuzcı areketleri aqqında hatırlattı.

Rusiye 2014 senesi Qırımnı işğal etti, soñra Ukraina, ABD ve Avropa Birligi er yıl uzatılğan iqtisadiy sanktsiyalarını kirsetti.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG