NATOnıñ eski Sovetler Birliginiñ memleketlerine, hususan Ukraina toprağına kenişlemesi Rusiye içün «ölüm-qalım meselesi» ola, dep bildirdi Rusiye prezidentiniñ spikeri Dmitriy Peskov.
«Soñki eki on yıl devamında, atta daa ziyade, bizni tertipli bir şekilde aldattılar, bu yalan neticesinde havfsızlığımız telüke altında olğan vaziyetke keldik. Bu yalannıñ devam telükesi altında buluna. NATOnıñ em siyasiy, em arbiy infrastrukturasınıñ sıñırlarımızğa yaqın devam etken ekspansiya telükesi altında», – dep bildire Peskovnıñ aytqanlarını Rusiye kütleviy haber vastaları «Rossiya-1» telekanalına.
Oktâbr ayında NATO baş kâtibi Jens Stoltenberg Ukraina ve Gürcistan NATOğa kirecek, amma bu yarınnıñ meselesi degil, dep bildirdi. Stoltenberg er bir memleketniñ kelecegini belgilemek aqqı bar, ve Ukraina ve Gürcistannıñ NATOğa qoşuluv qararına iç bir memleket, hususan Rusiye tesir etmemeli, dep daa bir kere qayd etti.
Kreml, ABD ve NATOdan Ukraina alyansqa qoşulmaycağına dair kefalet talap ete.
