Ukraina uquq qoruyıcıları Kreml mabüsleri içün mektüp yazma qış marafonı başlağanını haber etti. Bunı marafonnıñ teşkilâtçıları Facebook saifesinde haber ete.
Uquq qoruyıcıları, Qırım, Donbass ve Rusiyede tutulğan siyasiy mabüsler içün mektüpler – azatlıq nefesi, tış dünyanen bağ ve büyük maneviy destektir, dep qayd ete.
Mektüp yazmasınıñ tolu instruktsiyası ve türmelerni adresleri mında.
İşğal etilgen Ğorlivka yanındaki sıñırda «Mayorske» keçiş noqtasında dekabrniñ 29-nda tutulğan şahıslar deñiştirildi.
Dekabrde Parijde «normand formatı» sammiti keçirildi – Frenkistan, Almaniya, Ukraina ve Rusiye liderleri körüşti. Taraflar, Kyiv ve Moskva «er kesni er keske» formulası boyunca şahıslarnı dekabrniñ 31-ne qadar deñişecek, dep añlaşqan edi.
Ukraina prezidenti Volodımır Zelenskıy tutulğan şahıslarnı deñişim dekabrniñ 29-nda olacaq, dep tasdıqladı.
