Kreml spikeri Dmitriy Peskov Ukrayina Prezidenti ofisiniñ Kıyivniñ Rusiye topraqlarına darbeler endirmegeni aqqında bildirmesine inanmağanını bildirdi.
Ukrayina Prezidenti ofisiniñ yolbaşçısınıñ mesleatçısı Mıhaylo Podolâknıñ bildirmesini izaatlap dedi: "Biz oña inanmaymız". Bunı "RİA Novosti" devlet haber agentligi bildirdi.
"Ukrayna Rusiye Federatsiyası terroriyasına darbeler endirmey. Ukrayina bütün topraqlarını işğalden azat etmek içün kendini mudafaa etip cenkleşe. Bu bir aksiomadır", - dep yazdı Podolâk.
Memurnıñ sözlerine köre, Rusiyede "telâş ve dağıluv esnasları ziyadeleşe, bularnıñ tezahüratı bellisiz uçaqlarnıñ infraterkip obyektlerine iç ücümleridir".
Podolâknıñ izaatı fevralniñ 27-28-de Rusiyeniñ bir qaç bölgesinde pilotsız uçqan cihazlar tüşken soñ peyda oldı.
Rusiye Mudafaa nazirligi Ukrayinanı grajdan infraterkibiniñ obyektlerine ücüm etmesinen qabaatladı. Fevralniñ 28-nda Rusiyeniñ beş bölgesine dronlar ücüm etkeni aqqında belli oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
