Rusiye prezidenti Vladimir Putinniñ matbuat kâtibi Dmitriy Peskov «Büyük yedi devlet» gruppasınıñ (G7) Ukraina sıñırında provokatsiyalarnı toqtatmağa çağıruvına cevap berip, Kreml Ukraina sıñırında, Qırımda ve Donsbata ordusınıñ toplanmasını endi añlattı, dep bildirdi.
«Öz topraqlarımızda ordumıznıñ avuşması aqqında, iç bir kimseni tehdit etmegenimiz aqqında ve Ukraina Silâlı quvetderini provakatsion areketlerden red etmege çağırmaq kerek olğanı aqqında er şуyni añlattıq», – Rusiye haber vastaları Pekskovnıñ aytqanlarından alıntı ketire.
Rusiye prezidenti G7 liderleri ile alâqada olmağa planlaştıramı, yoqmı kibi sualge Peskov dedi: «Böyle bir şey olsa, haber etermiz».
Evel, «Büyük yedi devlet» gruppası (G7) Tış işler nazirleri ve AB tışqı siyaset idaresiniñ başları Rusiyeni Ukraina sıñırında, Qırımda ve Donbasta provokatsiyalarnı toqtatmağa çağırdı.
NATO baş kâtibi Yens Stoltenberg Rusiyeni Ukraina ile sıñırda, Qırımda ve Donbasta arbiy kerginleşmeni toqtatmağa çağırdı.
Martnıñ 30-nda Ukraina silâlı quvetleriniñ baş komandanı Ruslan Homçak bildirdi ki, Rusiye, «Zapad-2021» strategik talimlerine azırlıq manaçığınen Ukrainanıñ şarqiy sıñırlarına taktik gruppalarını çeke.
Kreml, Rusiye ordusınıñ Rusiyede areket etmesi diger memleketlerni, hususan Ukrainanı qasevetlendirmemeli, dedi.
Ukrainanıñ ğarbiy ittifaqdaşları oña qol tutqanını bildirdi. Aprelniñ 2-nde ABD ve Ukraina prezidentleri Joseph Biden ve Volodımır Zelenskıy telefonda laf ettiler. Beyaz saraynıñ malümatına köre, «prezident Biden Rusiyeniñ Donbas ve Qırımdaki istilâsı vaziyetinde Ukraina suvereniteti ve topraq bütünligine qol tutqanını tasdıqladı».
Daa soñra Avropa Birliginiñ Tış siyaset ve telükesizlik siyaseti yuqarı temsilcisi Josep Borrell Ukraina akimiyetini Rusiye tarafından yapılğan istilâ vaziyetinde «Avropa Birligi destek köstergenine» işandırdı.
Sıñırda ve Donbasta olğan adise-vaqialar sebebinden NATO da Ukrainağa qol tutqanını bildirdi.
