Kreml işğal etilgen topraqlarda seferber etilgen sakinleriniñ sayısını arttırmağa ümüt ete. Bu aqta Ukrayina milliy tirenüv merkezi bildirdi.
«Rusiye işğalci memuriyeti vaqtınca işğal etilgen topraqlarda Rusiye ordusına çağırılmasını planlaştırılğan sakinlerniñ cedvellerini şekillendirip başladı. Kreml küz kampaniyasınıñ muvafaqiyetsiz neticelerine baqmadan, ukrayinlilerni arbiy hızmetke seferber etmek planını yazda arttırmağa planlaştıra», – dep aytıla haberde.
Merkez qayd etkenine köre, askerlikke çağırılğan ukrayinliler soñra cenkke yollamaq maqsadınen añlaşma imzalamaq içün basqığa oğray.
Küzde askerlikke çağırılğan ukrayinliler esasen Qırımda hızmet eteler, dep qayd etile haberde.
Qırımda ve Aqyarda Ukrayinağa qarşı cenkte elâk olğan Rusiye askerleriniñ cenazeleri aman-aman er kün qılına. Dekabrniñ 19-nda Qırım.Aqiqat muarririyeti (Azatlıq Radiosınıñ leyhası) Rusiye ordusı sırasında cenkleşken ve Rusiyeniñ Ukrayinağa qarşı cenkinde elâk olğan birinci biñ qırımlı olğan «GRUZ-200» malümat bazasını neşir etti.
Cedvelde olarnıñ doğğan yeri, Rusiye ordusına çağırılğan ya da alınğan yeri (arbiy bölüknen beraber) aqqında malümat ve – bazı ölgenler içün – ölümniñ doğru ya da tahminiy yeri ve künü bar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
