Qırımtatar Milliy Meclisiniñ reisi Refat Çubarov Qırım.Aqiqatqa bergen izaatında, kiçik aynıñ 18-nde Er-Riyad şeerinde qapalı körüşüv vaqtında Rusiye tarafı ABD memuriyetine Ukrayinağa qarşı cenkniñ toqtatılması meselesinde esas talaplarını bildirdi, dep ayttı.
"Amerika tarafı Kremlniñ isteklerine şaşırdı dep aytmaq — bir şey aytmaqtır", — dep qayd etti Çubarov. Rusiyeniñ talapları arasında Ukrainanıñ "denazifikatsiya"sı ve "demilitarizatsiya"sı, NATO-ğa kirmesinden vazgeçüvi ve bütün işğal etilgen topraqlarnıñ, şu cümleden Qırımnıñ ilhaqını halqara seviyede tanıması.
Çubarovnıñ fikrince, Trampnıñ memuriyeti Rusiyege qoltutqan öz beyanatlarınıñ tuzağına tüşip, şimdi Ukrayina akimiyetini "deñey".
"Ukrayina tarafı barışıq içün topraq berilmesi aqqında er angi teklifni, atta faraziy olsa da, red etmelidir. Çünki añlaşıla: böyle alda ne barışıq, ne de Ukrayina devletiniñ kelecegi olacaq", — dedi o.
Çubarov hatırlattı ki, Meclis Rusiyeniñ Qırım üzerindeki nezaretini ne de-fakto, ne de-yure tanımaqnıñ er angi şeklini red ete.
«Наша позиция заключается в следующем: Крым является родиной коренного крымскотатарского народа и неотъемлемой частью Украины. Соответственно, никто и ни при каких обстоятельствах не может решать судьбу Крыма, кроме Украинского государства и крымскотатарского народа», – резюмировал он.
"Bizim noqta-i nazarımız şundan ibaret: Qırım tamır qırımtatar halqınıñ vatanı ve Ukrayinanıñ ayırılmaz parçasıdır. Buña köre, Ukrayina devleti ve qırımtatar halqından ğayrı, iç bir kimse ve iç bir vaziyette Qırımnıñ taqdirini çezemez", — dep yekünledi o.
Ukrayina prezidenti Volodımır Zelenskıy, çeçek ayınıñ 23-nde Londrada cenkniñ al etilmesine bağışlanğan Ukrayina, ABD ve Avropanıñ muzakereleri ötkerilecek, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
