İyünniñ 21-nden 23-ne qadar devam etecek «Krayına mriy» («Arzular memleketi») 20-nci etnofestivali çerçivesinde «Qırım sanası: Bağçasaray» açıldı. Bu aqta Ukrayına prezidentiniñ Qırım Muhtar Cumhuriyetindeki temsilciligi bildirdi.
«18 yıldan berli qırımlılarnen beraber «Krayına Mriyni» yapamız. Bir şeyni coysaq, kerçek qıymetini bilemiz. Qırım yüzümi, şarabı, Massandra, plâjlarını hatırlayım. Episini keri alacaqmız. Qırımnı yüregimizden yibermedik», – dep qayd etti etnofestival tesisçisi Oleğ Skrıpka.
Açılış kününde musafirler «Qırım inciri» yarışınıñ ğaliplerinden ukrayın ve qırımtatar tillerinde şiiriyet ve nesir ve «Musafir» etnik üçlüsiniñ çıqışını diñledi.
Temsilcilik musafirlerniñ «Serbest Qırımğa mektüpler» aktsiyasında iştirak etmege imkânı bar edi, dep qayd etti.
Festivalde halq zenaatlarınıñ ananeviy ve kraft eserleriniñ yarmalığı, qırımlı arbiylerniñ ikâyelerinen fotoresim sergisi, «İşğal etilgen Qırımdan ikâyeler» sergisi taqdim etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
