Labinsk şeeriniñ sanayı alanında uçucısız ücüminden soñ cermay bazası yanıp başladı, dep haber etti martnıñ 16-nda Rusiyeniñ Krasnodar ülkesindeki operativ ştab.
Yanğın videosını Supernova+ ve Exilenova+ ukrayin monitoring telegram kanalları derc etti.
Astra Rusiye telegram kanalı ağda peyda olğan levhalarnı talil etip, şeerniñ şimalindeki "Yugnefteprodukt" cermay bazasına ücüm etildi, dep tasdıqladı.
Rusiye akimiyetiniñ ilk malümatına köre, kimse yaralanmadı.
Ukrayina arbiyleri vaziyetni şimdilik izaatlamadı.
Rusiyeniñ büyük istilâsı başlağan soñ Rusiyedeki çeşit obyektler ava ücümlerine oğradı. 2024 ve 2025 seneleri cermay zavodları ücüm nişanı oldı. İşğal etilgen Ukrayina topraqlarında Rusiye obyektleri de ücümge oğray.
Ukrayina Silâlı quvetleriniñ Baş ştabı ücümlerniñ çoqusını tasdıqlap, Ukrayina Mudafaa quvetleri "Rusiye işğalci ordusınıñ imkânlarını zayıflatmaq ve Rusiyeni Ukrayinağa qarşı silâlı istilâsını toqtatmasına mecbur etmek içün muntazam sürette areketler yapa", dep bildire.