«Dekabrniñ 14-nde istilâcı Rusiye devletiniñ Krasnodar ülkesindeki Krımsk şeerinde duşmannıñ Su-30 qırıcısı uçaq alanında yaqıldı», – dep bildire Baş istihbarat idaresi.
İstihbarat qayd etkenine köre, «dekabrniñ 13-nde Krasnodardaki yanğın üç Rusiye demiryol lokomotivini de bozdı».
«Rusiyeliler bu arbiy obyektlerni Ukrayinağa qarşı cinaiy cenkte qullandı. Ukrayina halqına qarşı yapılğan er bir cenk cinayeti içün adaletli ceza olacaq», – dep qayd etti Ukrayina nazirliginiñ matbuat hızmeti.
Rusiye Mudafaa nazirligi bu malümatnı izaatlamadı. Muarririyet mustaqil menbalarda bu malümatnı teşkerip olamay.
Rusiyeniñ Ukrayinağa qarşı büyük ücümi başlanğanından berli Rusiye regionları muntazam sürette ateş ve dronlarnıñ ücümlerine oğray. Rusiye Mudafaa nazirligi Rusiyede tüşürilgen raketa ve dronlar aqqında haber ete. Kyiv ekseriyette bu haberlerni izaatlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
