«Adise yerinde mahsus hızmetler ve uquq qoruyıcı organlar çalışa, qaza olğan yer sarıp alındı. Mesken binalarına zarar kelmegenmi dep baqmaq içün qapu-qapu teşkereler», – dep yazdı Kondratyev.
Krasnodar sakinleri «Tsentralnıy» mesken kompleksine uçucısız tüşkeniniñ aqibetlerinen videolarnı şeer saifelerine yollay. Pencere ve vitrinalarnıñ zarar körgeni kösterile. Videolardan birinde damda patlav olğanı kösterile.
Krasnodar şeeriniñ yolbaşçısı Yevgeniy Naumov qayd etti ki, ev teminlev sistemaları normal çalışa, mesken yerlerge zarar kelmedi, yanğınlar da yoq.
Soñra Kondratyev Severskiy rayonınıñ Afipskiy qasabasında urıp tüşürilgen dron aqqında haber etti. Parçaları mustaqil evge zarar ketirdi, kimse yaralanmadı.
Rusiyeniñ Brânsk vilâyetiniñ yolbaşçısı Aleksandr Bogomaz da gece tüşürilgen dronlar aqqında haber etti. Onıñ malümatına köre, regionda üç dron yoq etildi, yerde iç bir türlü qurban ve zarar olmadı.
Rusiyeniñ Mudafaa nazirligi bir gecede Rusiyede 15 dron urulğanını bildirdi. Hususan işğal etilgen Qırımda bir dron tüşürildi, dep iddia etile. Aynı vaqıtta, yerli saifelerde patlavlar aqqında haber berilmedi.
Bundan da ğayrı, Rusiye müessisesiniñ malümatına köre, Krasnodar ülkesinde yedi, Brânsk vilâyetinde üç, Rostov vilâyetinde eki, Belgorod ve Kursk vilâyetlerinde birer dron urıp tüşürildi. Rusiye akimiyetiniñ beyanatları mustaqil tasdıqnı talap ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
