Rusiye aviatsiyası cumaaqşamı künü Rusiyeniñ Ukrayinağa qarşı büyük istilâsı başlağan 2022 senesi fevralniñ 24-nden berli qapalı olğan Krasnodar ava limanınıñ işi yañıdan başlana, dep haber etti.
Haberde aytılğanına köre, ava limanı sentâbrniñ 11-nde saba çalışıp başladı. Moskvadan ilk uçaq Krasnodarğa sentâbrniñ 17-nde kelecektir. «Krasnodar ava limanınıñ açılması tek regiondaki sakin ve biznesniñ imkânlarını arttırmayıp, Azaq ve Qara deñizlerinde raatlıqnı daa açıq yapacaqtır», – dep aytıla haberde.
«Aeroflot» bildirgenine köre, sentâbrniñ soñundan şirket Krasnodardan halqara uçaq seferlerini yañıdan başlatacaq, sefer Erivan, İstanbul ve Dubayğa kerçekleşecek.
2022 senesi fevralniñ 24-nde Ukrayina ile sıñırı olğan Rusiye regionlarında, işğal etilgen Qırımda ve Rusiyeniñ cenübinde, hususan Krasnodarda (aynı vaqıtta Soçi ava limanı açıq qaldı) ava limanları qapatılğan edi. Başta belli bir müddet qapalı olacaq dep aytıldı, amma soñra bu müddet uzatıldı – sıñırsız yapılğanına qadar.
2024 senesi mayıs ayında Elista ava limanı, 2025 senesi iyul ayında Gelencik ava limanı çalışıp başladı. Krasnodar ülkesi Ukrayina uçucısızlarınıñ darbelerine oğray. Uçucısızlar Ukrayinadan daa uzaq olğan Rusiye regionlarına da ücüm ete. Soñki ayları uçucısız telükesi sebebinden Moskva, Peterburg ve diger ava limanları da işini toqtatqan edi, bu da cedvelde deñişmelerge yol açtı. Vatandaş ava limanlarına qarşı bir darbe aqqında haber etilmegen edi.
Rostov ve Aqmescitnen beraber diger ava limanları da qapalı qala.