Rusiyeniñ Krasnodar ülkesinde yağğan küçlü yağmurlardan soñ yüz bergen suv basuvı neticesinde altı insan elâk oldı.
Regionnıñ fevqulâde vaziyetler hızmetiniñ reberi Sergey Kapustin bildirdi ki, cesedler Tuapse ve Apşeronsk rayonlarında tapıldı. Ğayıp olğanlar da bar.
Küçlü yağmurlar neticesinde tahminen 30 şeer ve köyni, şu cümleden Tuapse ve Soçi şeerlerini suv bastı. 5200 insan yaşağan 2 300 ev suv altında qaldı. Zarar körgen rayonlarda elektrik, gaz ve suv yoq, maşina yolları ve köpürler bozuldı. Soçi – Moskva yolunda sul yerli cermay borusını bozdı.
Suv basuvı sebebinden tren ve maşina seferleri toqtatıldı. Yerli akimiyet zarar körgen regionlarda fevqulâde vaziyet rejimini ilân etti.
Meteorologlarnıñ malümatına köre, eki kün devamında yağanaqlar eksilmeycek.
