“Krımtelekom” şirketi, dekabr 7-sinece sürecek mobil ağınıñ aqsaması aqqında bildire dep haber ee rusiyeli Qırım Haber Nazirliginiñ matbuat hızmeti.
Olarnıñ bildirüvine köre, sıñırlav “mobil ve tel ağlarnıñ zemaneviyleştirilmesinen” bağlı.
Mobil ağnıñ aqsavı bütün Qırımda yüz bere bile, tel ağnıñ ise - Aqmescit, Aqmescit rayonında, Saq rayonında, Curçı rayonında, Yedi Quyu rayonında, Bağçasaray rayonında, Aqşeyh rayonında, Canköy rayonında ve İslâm Terek rayonında.
“Krımtelekom” şirketi, iş adamı Rinat Ahmetovğa ait olğan “Ukrtelekom”nıñ Qırım bölüginiñ esasında 2015 senesi fevral ayında tizildi. Qırım ilhaqından soñ, Ahmetov, bir yılğa qadar onı idare ete bildi.
2015 senesi fevralde “Ukrtelekom”, Qırımnı qıta Ukrainanen bağlağan optika-lif magistral teliniñ ayırıluvı yapılğanını bildirdi. Aynı zamanda, Rusiye nezareti astındaki Qırım akimiyeti, “Ukrtelekom”nı ağ söndürüvinde qabaatladı.
2015 senesi fevral 11-inde Qırım akimiyeti, “Ukrtelkom”nıñ Qırım bölüginiñ devletleştirüvini ilân etti.
