2014 senesinden soñ Qırım sakinleri Ukrayina vatandaşlığından çıqış protsedurasından keçmediler, şunıñ içün qanunğa köre olarnıñ episi ukrayinalıdır, dep ayttı "KrımSOS" talilcisi Yevğen Yaroşenko Qırım.Aqiqatqa bergen izaatında.
İşğal etilgen Qırımda Rusiye pasportınıñ alınması Ukrayina qanunları ve halqara uquq ceetinden bu şahısnıñ Rusiye vatandaşlığını alğanı kibi tanılmay.
"Qırımda mecburen alınğan Rusiye pasportını alğan ya da qanuniy Rusiye pasportını almaq içün Krasnodar, Rostov ya da Moskovağa ketken şahıs eger de qanunımızğa köre Ukrayina vatandaşlığından çıqmaq protsedurasını qullanmasa Ukrayina vatandaşı olıp qala. Bir insan ukrayin pasportını yaqsa, ğayıp etse ya da saqlasa bile, onıñ Ukrayina ile uquqiy bağı ile iç bir alâqası yoq. Şunıñ içün, eger şahıs 2014 senesi devlet hainligini yapqan olsa, o, Ukrayina vatandaşları olaraq, Ukrayina Ceza kodeksiniñ 111 maddesine köre mesüliyetke çekilecek", — dep añlattı Yaroşenko.
2014 senesi martnıñ 16-nda Qırım ve Aqyarda dünyanıñ çoqusı memleketleri tarafından tanılmağan yarımadanıñ statusı aqqında "referendum" keçirildi, onıñ neticelerine köre Rusiye Qırımnı öz terkibine kirsetti. Ne Ukrayina, ne Avropa Birligi, ne de ABD "referendum" rey berüviniñ neticelerini tanımadı. Rusiye prezidenti Vladimir Putin mart 18 künü Qırımnıñ Rusiyege qoşulğanını ilân etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
