Qırımda iyün 5-inde yaramay ava sebebinden elektrikniñ söndürilmesi ola bile, dep ihtar ete “Krımenergo”.
“Iyün 5-inde Qırımda kimer yerlerde şiddetli yağmur, furtuna, burçaq ve 20-25 m/s qadar yel beklenile. Bundan sebep elektrik ağlarında avariyalar ola bile”, - denile beyanatta.
Müessisede, yarıq söndürilmesi aqqında “Krımenergo”nıñ “acele hatına” telefon etip bildirmege rica ettiler.
Bundan ğayrı, “Krımenergo”da furtunalı ava vaqtında uyulacaq havfsızlıq qaidelerini hatırlattılar. Elektrik naqil hatına yaqınlaşqanda, yolda üzülgen ya da asılıp turğan tellerniñ olmamasında emin olmaq kerek. Bozulğan tayanğıçlar, üzülgen ya da asılıp turğan teller körünse, “Krımenergo”nıñ “acele hatına” bildirmeli ya da qurtarıcılarnı çağırmalı. Olarğa toqunmaq olmaz. Yerde yatqan telge 8 metrden az mesafege yaqınlaşmaq telükelidir: tel üzülse bile, kerginligi qala bile.
Bundan evel Qırımnıñ Rusiye Fevqulâde vaziyetler nazirligi, Aqmescitte yaramay ava olması tahmin etti ve furtuna havfı ilân etti.
