"Krımavtotrans" müessisesiniñ müdiri İgor Korobçuk istifağa ariza berdi.
Bu aqta, Qırımnıñ ruisyeli naqliyat naziri Sergey Karpovğa esaslanıp, "RİA Novosti" rusiye haber agentligi bildire.
Hususan, Qırımnıñ rusiyeli bası Sergey Aksönovnıñ - Korobçuk işten çıquv arizasını yazdımı - sualine Karpov müsbet cevap berdi, dep bildire matbuat.
Şimdilik ilhaq etilgen Qırımnıñ mesüliyetli saytlarında bu hususta malümat yoq.
Daa evel Qırımnıñ rusiyeli başı Sergey Aksönov, vitse-premyer Mihail Seleznövistifağa ariza bergenini ve onıñ yerine Qırım memurı Yuliya Jukova teklif etilecegini tasdıqladı.
Daa evel Qırım matbuatı, rusiyeli akimiyeti başınıñ muavini Mihail Seleznöv istifağa ariza bergeni aqqında bildire edi.
Keçken yılnıñ soñundan berli Aksönov, Qırım şeerlerinde köçme oturışlarnı keçire. O Keriç, Yalta, Kefe, Aluşta, Ermeni Bazar şeerlerine barğan edi.
