Ukraina prezidenti Volodımır Zelenskıy, koronavirus yayılması sebebinden ukrainlerge çetelge azca barmaqnı tevsiye etti. Bunı o Poltava vilâyetinde "Novi Sanjarı" sanatoriyinde eki aftalıq karantinni keçirgen Ukraina adamlarınen körüşkende ayttı. Bunı Prezident Ofisine atıf etip Azatlıq Radiosı haber etti.
"Avropanıñ başqa memleketlerine köre, bizde bu adiseler azca, biz bunı nezaret etemiz", - dedi prezident.
O iç turizmge saylamağa tevsiye etti.
"Ülkemiz acayiptir ve bu vaziyet bitmegence, yahşı raatlanmaq içün bayağı yer bar", - qayd etti Zelenskıy.
Martnıñ 3-ünde Ukrainada ilk COVID-19 koronavirus hastası qayd etildi.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
