Qıtaydaki Wuhan şeeri - koronavirus pandemiyasının menbaası - eki aylıq qapalı rejimden çıqa ve normal yaşayışqa qayta, haber ete Radio Azattık.
Martnıñ 28-inde 11 millionlıq ealisi olğan şeerde bir qaç naqliyat çeşiti çalışıp başladı, şeer sıñırları açıldı. Qıtayda qayd etilgen 3299 ölümden 3177-si Hubei vilâyetiniñ memuriy merkezi Wuhande oldı.
Başqa memleketler ise COVID-19-nıñ infektsiyasınıñ tarqalmasını toqtatmağa tırışa. Dünyada 600 biñden ziyade adam hastalandı, 27 800-den ziyade adam öldi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
