Cuma künü, yanvarniñ 8-nde, Ukrainada üç aftalıq lockdown başlandı. «Bayramdan soñ kilitlenme» yanvarniñ 24-ne qadar devam etecek, dep haber ete Azatlıq Radiosı.
Ukraina ükümeti böyle sıñırlavlar kirsetecek:
- müzey, kinoteatri, teatr işi, kütleviy medeniy tedbirlerniñ keçirilmesi yasaqlana;
- mektep ve universitetlerniñ işi;
- sport tedbirleri (soqaqta ve seyircisiz taqımlarnıñ idmanları istisna ola);
- fitnes merkezleri, sport salonları ve havuzlarnıñ işi;
- tükân ve bazarlarda (tek evge ketirüv ola bile) satış;
- aş müessiseleriniñ işi (tek paket hızmeti olacaq);
- qış bayramları munasebetinen kütleviy tedbirlerniñ keçirilmesi;
- yerleştirüv vastalarınıñ işi (musafirhane ve reabilitatsiya müessiseleri çalışa bile).
Bala bağçaları ve naqliyat çalışacaq.
Ukrainada COVID-19 pandemiyası vaqtında 1105169 insan hastalandı. 778 000 kişi tüzeldi, 19588 insan vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
