Saudiy Arabistan koronavirus tarqaluv telükesi bar dep, umrege kelgenlerniñ Mekkege kirişini ve Medinede Peyğamber camisini ziyaret etkenlerniñ kirişini vaqtınca toqtata, dep bildire Azatlıq Radiosı.
Fevralniñ 27-nda Saudiy Arabistan akimiyeti koronavirus qayd etilgen memleketlerden kelgen ve turist vizaları olğan insanlarnıñ kirişini toqtattı.
Tış işler nazirligi, em vatandaşlarını, em çetel vatandaşlarını qorumaq içün tedbir alğanını bildirdi. Şimdilik muvaqqat sıñırlar kirsetildi.
Saudiy Arabistan memlekette koronavirus qayd etilgenini resmiy şekilde bildirgen edi, amma qomşu Küveyt 61 yaşında Saudiy Arabistanda koronavirus yuqunçı qayd etildi, dep ayttı. Qomşu İranda bu hastalıqtan eñ az 19 kişi öldi.
İyülniñ soñunda başlanması kere acılıq vaqtında sıñırlar olacaqmı yoqmı şimdilik bir malümat yoq.
Fevralniñ 27-ne qadar 82 164 kişi yañı koronavirusqa oğradı, 33 biñ yahşı oldı.
