Link açıqlığı

Saatnıñ esas haberi

Koronavirus Qırımda: Rospotrebnadzor maska taquv rejimini daa sert yapmağa çağıra


Qırım ve Aqyardaki Rospotrebnadzor idaresi yarımadada koronavirus hastalarınıñ sayısı artqanı içün cemaat naqliyatında maska taquv qaidelerini sertleştirmege çağıra. Müessise, aydavcılarnıñ maskasız çalışmasını yasaq etmege teklif ete.

«Naqliyat nazirliginden ayrı emir bermesini, belki, vesiqalarda qayd etmesini rica etecem, maskasız yolcularnı cemaat naqliyatına almasınlar. Ne yazıq ki, bugün aydavcı maska taqsa da, naqliyatta olğan er kes maskasız, bir-eki adam maska taqa», – dep muracaat etti Qırımnıñ Rusiye yolbaşçısı Sergey Aksenovğa Rospotrebnadzor idaresiniñ reberi Natalya Penkovskaya sentâbrniñ 30-nda koronavirus yuqunçı ile küreş operativ ştabınıñ toplaşuvında.

Keçken künü Qırımda 90 koronavirus hastası qayd etildi. Umumen Qırımda, akimiyetniñ malümatına köre, 4564 yañı koronavirus hastası qayd etildi, 105-i çetelden keldi, 128-i qomşu Rusiyeden kelgenler ve olarnen bağda olğanlar, 2808 insan tüzeldi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG