Qırımda tünevin tibbiy nezaret altında bulunğan adamlarnıñ sayısı tahminen 100 adamğa azca oldı. Şimdi ekimler 1892 adamnıñ alını közete.
Rusiyeli Qırım ükümetiniñ baş naziriniñ müavini Yelena Romanovskaya haber etkeni kibi, bir künde 32 adam nezaret altında alındı ve 181 adam boşatıldı.
Evlerinde 1654, hastahanelerde - 73, observatorlarda - 165 adam baqıla.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
