Qırımnıñ qave ve restoranlarına pandemiya vaqtında maskasız kirmege izin berildi. Böyle deñişmeler Qırımnıñ Rusiye yolbaşçısı Sergey Aksenovnıñ «yüksek seviyeli azırlıq rejimi» buyruğına kirsetildi.
Vesiqada aytılğanına köre, maska taquv «aş müessiselerinde (tükânlarnıñ aş bölükleri istisna ola), keytering hızmetleri kösterilgende, uzaqtan ve (ya da) müşterilernen bağ olmağan diger hızmetlerde» mecburiy degil.
Daa evel berilgen malümatqa köre, Qırımda cemaat naqliyatında maskasız yolcularğa, tükânda maska taqmağan alıcılarğa hızmet köstermek yasaq etildi.
Qırımda maska taquv rejiminiñ sertleştirilüv neticesi eki aftadan soñ beklenile, dep bildirdi oktâbrniñ 14-nde Qırım ve Aqyardaki Rospotrebnadzor idaresiniñ yolbaşçısı Natalya Penkovskaya.
