Link açıqlığı

Saatnıñ esas haberi

Koronavirus Qırımda: pandemiya vaqtında 2820 adam vefat etti


Tünevin Qırımda koronavirustan 14 hasta vefat etti, oktâbrniñ 18-nde ise 17 ölüm aqqında haber etilgen edi. Pandemiya vaqtında Qırımda 2820 insan COVID-19 sebebinden öldi. Bunı Qırımnıñ Rusiye Sağlıq saqlav nazirligi bildire.

"Pandemiya vaqtında episi olıp 89 459 koronavirus hastası qayd etildi. Bir künde tüzelgenlerniñ sayısı 814 kişi, büdtün müddet devamında 75 406", - dep yazıla bildirmede.

Tünevin Qırımda 612 koronavirus hastası qayd etildi.

Oktâbrniñ 14-nde Rusiye kontrolindeki Qırım baş nazir muaivni, emek ve içtimaiy qoruv naziri Yelena Romanovskaya yarımada hastahanelerinde koronavirus hastaları içün yerlerniñ 88%-ı tolu, dep bildirdi.

Rusiye kontrolindeki Qırım ükümetiniñ reisi Yuriy Gotsanük Qırımda aşı olğan sakinler içün QR-kod sistemasınıñ kirsetile bile, Qırım yarımadasında tam qapanuv olacağını «şimdilik beklemeñiz», dep ayttı.

Qırımda koronavirus pandemiyası sebebinden kirsetilgen yüksek seviyeli azırlıq rejimi dekabr ayına qadar uzatıldı. Oktâbrniñ 11-nde Qırımda yañı koronavirus sıñırlavları işke tüşürildi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG