Qırımda keçken künü beş hasta koronavirustan vefat etti, pandemiya devamında 1279 kişi keçindi. Bu malümat Qırımnıñ Rusiye Sağlıq nazirligi tarafından mayısnıñ 14-nde derc etildi.
«492 insan (COVID) ambulator tedaviylevde, 1553 kişi (COVID ve pnevmoniya) hastahanelerde buluna. Umumen 41879 COVID-19 hastası qayd etildi. Tüzelgen 38701 insan hastahaneden çıqarıldı», – dep aytıla haberde.
Keçken künü Qırımda 101 koronavirus hastası qayd etildi, 1-iniñ hastalıq alâmetleri yoq.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
