Link açıqlığı

Saatnıñ esas haberi

Koronavirus Qırımda: akimiyet 83 yañı hasta aqqında bildire


Nümüneviy resim
Nümüneviy resim

Keçken künü Qırımda 83 yañı koronavirus hastası qayd etildi, dep bildire Qırımnıñ Rusiye yolbaşçısı Sergey Aksenov.

«59-ı tibbiy yardım istegende qayd etildi, 23-ü daa evel hastalanğanlarnen alâqada oldı, 1-i sağlam ealiniñ skriningi neticesinde belli oldı», – dep aytıla Facebook haberinde.

Umumen Qırımda 3972 koronavirus hastası qayd etildi. 96-sı çetelden keldi, 124-ü qomşu Rusiyeden ve olarnen alâqada olğanlar, 2526 insan yahşı oldı. Yılnıñ başından Aqyarda 845 insan yañı koronavirus yuqunçına oğradı, 556 kişi tüzeldi, 23 insan vefat etti.

Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG