Qırımda keçken künü 82 koronavirus hastası qayd etildi, dep bildire Qırımnıñ Rusiye yolbaşçısı Sergey Aksenov.
«38-i tibbiy yardım içün muracaat etkende belli oldı, 25-i daa evel qayd etilgen hastalarnen alâqada oldı, 16-sı sağlam ealiniñ skriningi neticesinde (2 kişi Rusiyeniñ diger subyetlerinden keldi) neticesinde qayd etildi, daa 3 hasta Ukrainadan keldi», – dep aytıla haberde.
Akimiyetniñ malümatına köre, umumen Qırımda 4219 yañı koronavirus hastası qayd etildi. 100 kişi çetelden keldi, 126 insan qomşu Rusiyeden kelgenler ve olarnen alâqada olğanlar, 3290 hasta tibbiy yardım içün muracaat etkende ve laboratoriyada tasdıqlanğan hastalarnen alâqada olğanı içün belli oldı, 703 hasta sağlam insanlarnıñ laborator skriningi neticesinde belli oldı.
Rospotrebnadzor, Qırımda koronavirus hastalarınıñ sayısı arta, dep qayd etti.
Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
