Ukraina qıtasında koronavirus infektsiyası sebebinden ükümsürgen sıñırlayıcı tedbirlerniñ başından berli ukrain sıñırcılar Qırımğa 386 adamnı keçirdi. Bunı mayıs 29-ında Ukraina Devlet Sıñır Hızmeti Bildirdi.
"Esasen, böyle qararlar memuriy sıñırnı tedaviylev ya da qorantanen birleşüv maqsadınen keçken adamlarğa qarşı alına edi", - denile beyanatta.
Müessise, Ukraina kiriç-çıqış noqtaları alâ daa sıñırlanğan rejimde çalışqanını qoştı.
Qırım ve Herson vilâyeti arasındaki memuriy sıñırdaki sıñırlavlar mayıs 22-sinece sürecek. Daa evel Ukraina Nazirler Kabineti, Ukraina qıtasına ilhaq etilgen Qırımdan ve işğal etilgen Donetsk ve Luğansk vilâyetlerinden kelgen vatandaşlar mecburen observatorlarğa yollanılacağını bildirdi.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
