İtaliyada, soñki 24 saatta COVID-19 virusına yoquma sebebi ile 133 ölüm adisesi qayd etildi. Bunı İtaliya akimiyet organlarınıñ vekilleri jurnalistlernen körüşüvde söylediler. Azatlıq Radiosı haber ete ki, İtaliyada 7375 hasta, 366 ölü, 622 tedaviylengen adam bar.
Qıtayda 28 ölüm adisesi qoşuldı. Bu ülke dünya statistika cedvelinde birinci yerde tura: umumen 80 703 hasta, 3 098 ölüler.
1 million eali arasında hastalanğanlarnıñ sayısına köre, Cenübiy Koreya birinci yerde, 143 adise. Bu malümatnı koronavirus yayılması ve onıñ aqibetleri aqqında daima yañartılğan malümat saytında derc etildi.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
