Koronavirus: dünyanıñ çeşit memleketlerinde kilse ve camiler yuqunçsızlaştırıla (video)

Filistin akimiyeti, Fillippinlerniñ papazları, İran ayetullahları diniy müessiselerde virusnen küreşe. Kilse ve camiler mahsus yuqunsızlaştıruv maddelernen işlene. Ukraina Sağlıq nazirliginiñ malümatına köre, martnıñ 16-na qadar beş COVID-19 hastası qayd etildi. Martnıñ 12-nde Ukrainada koronavirus yuqunçı epidemiyası telükesi sebebinden ve oña yol bermemek içün karantin başlandı. O, aprelniñ 3-ne qadar, üç afta devam etecek. Johns Hopkins universiteti yanındaki Tedqiqatlar merkeziniñ malümatına köre, martnıñ 16-nda saba dünyada 169 biñ insan koronavirusnen hastalandı, 6500 kişi öldi, 77000-den çoq tüzeldi.