Dünyada COVID-19 koronavirusınen hastalanğanlarnıñ sayısı arta ve bazarertesi sabası 88,4 biñni aştı, dep yaza South China Morning Post Gonkong gazetası, dep bildire «Nastoyaşçeye Vremâ».
Qıtaynıñ esas qısmı tışında koronavirus qurbanlarınıñ sayısı 109-dan 129-ğa arttı: 54 kişi İranda, 34 insan İtaliyada, 20 kişi Cenübiy Koreyada, 12 insan Yaponiyada (altısı – Diamond Princess kruiz gemisiniñ yolcusıdır), ekişer kişi Gonkong ve Frenkistanda, birer kişi ABD, Büyük Britaniya, Envador, Tayvan ve Filippinlerde öldi.
Eñ çoq hasta (3736) Cenübiy Koreyada qayd etildi, 1694 – İtaliyada, 978 – İranda, Yaponiyada – 961, olardan 705-i karantinde olğan Diamond Princess yolcuları ve ekipaj azasıdır.
Frenkistanda 130 hasta bar, Singapurda – 106, Gonkongda – 98, ABDde – 74, İspaniyada – 71, Almaniyada – 66.
Küveytte 45 hasta qayd etildi, Tailandda – 42, Tayvanda – 40, Bahreynde – 38, Büyük Britaniyada – 35, Avstarliya ve Malayziyada – 29, Birleşken Arap Emirliklerinde – 21, Kanadada – 20, Iraq ve Norvegiyada 19, Vyetnamda – 16, İsveçte – 15, Makao, Felemenk ve İsviçrede – onar kişi.
Dünyanıñ daa 39 memleketinde ondan az kişi hastalandı.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
