Aqyarda 2020 senesi dekabr ayında yolcu naqliyatından faydalanğan insanlarnıñ sayısı keçken senege baqqanda 10% az oldı. Bu aqta Qırım ve Aqyardaki Rusiye statistika idaresiniñ matbuat hızmeti haber etti.
«2020 senesi dekabr ayında 3689 biñ yolcu yolcu naqliyatından faydalandı, 2019 senesi dekabr ayına baqqanda bu raqam 9,9% azdır», – dep aytıla haberde.
Krımstat Aqyarda yük dönümi de eksilgenini qayd etti – 2019 senesiniñ dekabr ayına baqqanda 16,7%. 2020 senesi dekabr ayında 33,4 biñ tonna yük maşina naqliyatınen taşındı.
Hatırlatamız, Aqyarda 2020 senesi azğariy mallarnıñ fiyatı 9,6% artıp, bir kişige 4658 ruble oldı. Aqyarda işsizler sayısı ise 2020 senesi dekabrniñ soñunda 2,2 biñ insan oldı.
