«Çongar» yoqlav keçitinde SARS-CoV-2 koronavirus antigeniniñ belgilenilmesi içün ekspress-testleme noqtaları gece-kündüz çalışmalı. Muvafıq tevsiyeler Herson vilâyet devlet memuriyetine yollanılacaq, dep bildirdi Ukraina Yuqarı Radasınıñ insan aqları vekâletlisiniñ Qırım MC ve Aqyar sakinleriniñ aqlarına riayet etüv boyunca vekili İrina Verigina.
«Nezaret etüv vaqtında, yoqlav keçitinde ve hızmet mıntaqasında testleme noqtasınıñ yeri aqqında işaretlemeler olmağanını belgiledik, bundan sebep vatanbaşlar onıñ ne yerde olması aqqında kerekli şekilde haberdar degil», – dep haber etile Osmbudsen ofisiniñ Facebook saifesinde.
«Müsbet tarafı, vatandaşalrdan kelgen bildirmelerniñ köstegeni kibi, testleme noqtası er kün, atta raatlıq künleri çalışa. Amma «Çonğar» yoqlav keçiti gece-kündüz çalışqanını köz ögüne alıp, testleme noqtasınıñ da işi şekilde olmalı», – dedi Verigina.
Yanvarnıñ soñunda Qırım MC ve Aqyar sakinleriniñ aqlarına riayet etüv boyunca vombusmen İrina Verigina «Çonğar» yoqlav keçitindeki ekspress-testlem noqtasını ziyaret etti ve bir sıra bozuvlar aqqında ayttı.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
