Qırımnıñ Cenübiy yalısındaki Koreiz qasabasında Çatal Qayağa yaqın musulman mezarlığında qora qazıqları qoyuldı, yerli sakinlerniñ fikirince, bu topraqnı almağa tırışalar, dep yaza Qırımtatar resurs merkezi.
Berilgen malümatqa köre, mezarlıq 30 yıl evelsi sürgünlikten qaytkan qırımtatarlar tarafından yapıldı. Mında 100-den çoq mezar bar.
«Yerli sakinlerniñ aytqanına köre, haritada mezarlıq toprağınıñ statusı yaqında deñiştirildi, amma kim tarafından ve ne sebepten aytılmay. Musulmanlar Yalta memuriyeti ve diger qurulışlarğa muracaat etti, memurlar çezerler dep söz bergen ekenler, amma qazıqlar tura», – dep yaza Qırımtatar resurs merkezi.
Ukrayına prezidentiniñ Qırım Muhtar Cumhuriyetindeki daimiy vekili Tamila Taşeva bildirgenine köre, Ukrayına insan ve devlet aqlarını bozğan areketlerni qabul etmeycek. Mal-mulk, hususan topraq damartılarınıñ «devletleştirilüvi» ya da musaderesi de öyle.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
