Koreizde gaz borusı zarar körgeni içün 500 abuneci gazsız qaldı. Bu aqta Qırımnıñ Rusiye ükümetiniñ matbuat hızmeti Rusiye kontrolindeki baş nazir muavini İgor Mihayliçenkonıñ malümatına esaslanıp haber ete.
«Koreiz qasabasında gaz borusı zarar kördi. Tahminen 500 abuneci vaqtınca gazsız qala. Hızmetler çalışa. Gaz künniñ soñuna qadar temin etilecek», – dep aytıla haberde.
Gaz borusınıñ zarar körüv sebeplerini Rusiye akimiyeti şimdilik aydınlatmay.
Martnıñ soñunda berilgen malümatqa köre, kimligi belli olmağan insanlar Aqmescitte gaz borusını patlatmağa tırıştı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
