Ukrayina, öz nezaretindeki topraqqa 757 elâk olğan arbiy hızmetçisiniñ cesedini qaytardı, dep aytıla cenk esirlerine munasebeti boyunca ukrayin Koordinatsion ştabınıñ haberinde.
Ukrayin Koordinatsion ştabında bildirgenlerine köre, qaytarılğan ukrayin arbiyleriniñ arasında:
- 451 Donetsk yönelişiniñ imayecisi;
- 71 - Bahmut yönelişinden;
- 51 - Ugledar yönelişinden;
- 13 - Lugansk yönelişinden;
- 137 Zaporijjâ yönelişinden.
Ukrayina Koordinatsion ştabınıñ malümatına köre, Rusiye territoriyasındaki morglardan 34 elâk olğan ukrayin arbiyi qaytarıldı.
"Elâk olğan qorçalayıcılarnı, cenk esirleri ile munasebet meseleleri boyunca koordinatsion ştab, Ukrayina Silâlı quvetleriniñ Baş ştabı, SBU, İç işler nazirligi, Ukrayina Yuqarı Radasınıñ insan aqları vekâletlisiniñ ofisi, Mahsus vaziyette ğayıp olğan şahıslar vekâletlisiniñ kâtibiyeti, Fevqulâde vaziyetler devlet hızmeti ve Ukrayina telükesizlik ve mudafaa sektorınıñ diger qurulışlarınıñ beraberlikte yapqan işleri neticesinde qaytarıp oldılar. Halqara Qızıl Haç Komitetine yardımları içün minnetdarlığımıznı bildiremiz", — dep aytıla Koordinatsion ştabnıñ malümatında.
Belli olğanı kibi, elâk olğan askerlerniñ cesetleri uquq qoruyıcı organlarına ve mahkeme-tibbiy ekspertlerge berilecek. İşbu tedbir, elâk olğanlarnıñ şahsiyetlerini belgilemek içün kerek.
Bundan evel, 2024 senesi noyabrniñ 8-nde, Koordinatsion ştab, Ukrayinağa elâk olğan 563 arbiy adamnıñ cesedini qaytarıp oldı, dep bildirdi.
2024 senesi mart ayınıñ başında ombudsmen Dmıtro Lubinets bildirdi ki, Ukrayinada 2800-den ziyade arbiy ceset ve ceset parçaları tapıldı. Ne qadar ceset qayd etilmegen belli degil.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
