Kahovka suv elektrik stantsiyasınıñ dağılması sebebinden Şimal Qırım kanalında suv yedegi bir qaç ay içinde bitecek, dep bildirdi Qırımnıñ Rusiye parlamentiniñ yolbaşçısı Vladimir Konstantinov.
"Sovet ükümeti [Şimal Qırım kanalını] qurmaq qararına kelgende, yönelişlerden biri pirniç istisalı edi. Bu yıl biz artıq ilk mahsulnı cıyıp aldıq, bir çoq çiftlik kârlı olğanı içün pirniçke qaytıp başladı... Er angi bir ziyan ile bağlı iç bir ariza almadıq, şu ande mevcut degil. Kanalnıñ özünde alâ daa suv yedegi olğanı içün, amma kelecek bir qaç ay içinde bitecek", - dedi o.
Konstantinovnıñ sözlerine köre, yarımadanıñ Rusiye akimiyeti melioratsiya içün alternativ menbalar qıdıra.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayına prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
