Qırım «parlamenti»niñ spikeri Vladimir Konstantinov Rusiye qanunlarına köre, yarımadada tezce deputatlarnıñ saylavını keçirmege ve «Ukrainadan qalğan er şeyni yuvıp taşlamağa» istey.
Bunı o Qırım «akimiyeti»ne yaqın olğan Krıminform saytına bildirdi.
«Keçici müddet devamında saylavlarnıñ keçirilmesini planlaştırmay edik. Şimdi ise aqlımızdan bütün ukrain serlevalarnı yoq etmek içün olarnı keçirmege aşıqamız. Asılında, Ukrainadan qalğan bütün yaramazlıknı yuvıp taşlamağa kerek. Pulnı taşladıq, endi qalımtılarnı da yuvmağa kerek, insanlarda eki türlü tefekür olmasın dep», – dedi o.
Ukrainalı siyasetçilerni, şu cümleden bir vaqıtları firqadaşı olğan Viktor Yanukoviçni Konstantinov Vladimir Putinge köre, «samimiysiz» dep adladı.
«Ukraina siyaseti samimiy degildir. İç bir adaletli siyasetçi yoq. Er kesni bilem, er kes yalıñız aqça içün kele. Olarnıñ sözlerini diñlmege faydasız, qısqartmadır «nasıl qırsızlamaq ve bunı etmek içün ne yapmalı», alem ögünde ise er şey halq kibi etile»,– dedi o.
Konstantinov emindir, qırımlılar pek tez Rusiyege alışa, hususan yaşlar arasındaki bu ketişat onı quvandıra.
«Bizler içün adiy bir şey, biz evge qayttıq. Gençler içün de aynı öyle oldı. Reytinglerge köre, ukrain telekanallarnı endi kimse baqmay. Üç ay evelsi olar Rusiye kanallarına köre, 80% populâr edi. Şimdi aksine», – dey Konstantinov.
Qayd etmeli ki, işğal etilgen Qırımda daa mart ayında öz başına ilân etilgen akimiyet bütün ukrain kanallarnı söndürip, olarnı Rusiye kanallarına deñiştirdi.
Mart ayında Rusiyeniñ arbiy ve siyasiy yardımı ile Qırımda Ukraina ve dünyada tanılmağan «Qırımnıñ belgilevi aqqında referendum» keçti.
Öz başına tayin etilgen Qırım akimiyetiniñ malümatına köre, saylavda iştirak etken ealiniñ 96,7% Qırımnıñ Rusiye qoşuluvına qol tuttı.
Neticede Qırımnıñ qanunsız parlamenti Rusiyege onı öz terkibine qoşmağa rica etti. Mart 18 künü Kremlde Qırım ve Aqyarnıñ Rusiye terkibine qoşuluvı aqqında «añlaşma» imzalanıldı.
Bunı o Qırım «akimiyeti»ne yaqın olğan Krıminform saytına bildirdi.
«Keçici müddet devamında saylavlarnıñ keçirilmesini planlaştırmay edik. Şimdi ise aqlımızdan bütün ukrain serlevalarnı yoq etmek içün olarnı keçirmege aşıqamız. Asılında, Ukrainadan qalğan bütün yaramazlıknı yuvıp taşlamağa kerek. Pulnı taşladıq, endi qalımtılarnı da yuvmağa kerek, insanlarda eki türlü tefekür olmasın dep», – dedi o.
Ukrainalı siyasetçilerni, şu cümleden bir vaqıtları firqadaşı olğan Viktor Yanukoviçni Konstantinov Vladimir Putinge köre, «samimiysiz» dep adladı.
«Ukraina siyaseti samimiy degildir. İç bir adaletli siyasetçi yoq. Er kesni bilem, er kes yalıñız aqça içün kele. Olarnıñ sözlerini diñlmege faydasız, qısqartmadır «nasıl qırsızlamaq ve bunı etmek içün ne yapmalı», alem ögünde ise er şey halq kibi etile»,– dedi o.
Konstantinov emindir, qırımlılar pek tez Rusiyege alışa, hususan yaşlar arasındaki bu ketişat onı quvandıra.
«Bizler içün adiy bir şey, biz evge qayttıq. Gençler içün de aynı öyle oldı. Reytinglerge köre, ukrain telekanallarnı endi kimse baqmay. Üç ay evelsi olar Rusiye kanallarına köre, 80% populâr edi. Şimdi aksine», – dey Konstantinov.
Qayd etmeli ki, işğal etilgen Qırımda daa mart ayında öz başına ilân etilgen akimiyet bütün ukrain kanallarnı söndürip, olarnı Rusiye kanallarına deñiştirdi.
Mart ayında Rusiyeniñ arbiy ve siyasiy yardımı ile Qırımda Ukraina ve dünyada tanılmağan «Qırımnıñ belgilevi aqqında referendum» keçti.
Öz başına tayin etilgen Qırım akimiyetiniñ malümatına köre, saylavda iştirak etken ealiniñ 96,7% Qırımnıñ Rusiye qoşuluvına qol tuttı.
Neticede Qırımnıñ qanunsız parlamenti Rusiyege onı öz terkibine qoşmağa rica etti. Mart 18 künü Kremlde Qırım ve Aqyarnıñ Rusiye terkibine qoşuluvı aqqında «añlaşma» imzalanıldı.
