Link açıqlığı

Tanılmağan Qırım akimiyeti BMT Havfsızlıq şurasında qırımtatar halqnıñ lideri Mustafa Cemilev tarafından Rusiyege qarşı aytılğan laflarnı destruktiv olaraq saya ve olarğa emiyet bermey.

Bu aqta Devlet Şurasınıñ «spikerı» Vladimir Konstantinov aytqan. Bunu «Qırım parlamentnıñ» matbuat hızmeti bildire.

Matbuat temsilcilerden birisiniñ ne içün alâ daa Mustafa Cemilev Rusiyege qarşı aytılğan lafları içün Qırımğa kelmege yasaq etilgen insanlar cedveline alınmağanı sualge Konstantinov Qırım parlamentınde qırımtatarlarınıñ liderleriniñ bazı laflarına köz qapatqanlarını ayttı.

«Cemilevnıñ aytqanları Qırım sakinlerine bir hayırlı şey ketirmez. Bu destruktiv laflar. Qırım ve qırımtatar cemaatçılığına qabul ettirecek fikiri real degil. Şunıñ içün biz onıñ aytqanlarına şimdilik köz qapatamız», – dedi Konstantinov.

Qırımtatar halqnıñ liderı, Ukraina halq deputatı Mustafa Cemilev Nyü-Yorkta keçken BMTnıñ ğayri resmiy Havfsızlıq şurasınıñ sessiyasında Qırımda keçken referendumnı absurd dep adlandırdı.

Ondan da ğayrı o, Qırımda çoqusı akimiyet vekilleri ruslar olğanda ruslarğa zulum etilgenini aqqında iddialar tsinik olğanını ayttı.

Özbaşına ilân etilgen akimiyet Qırımğa kelmege yasaq olğanı adamlarnıñ cedvelini tizdi. 300 adamdan ziyade olğan cedvelge Mustafa Cemilev alınmadı.
XS
SM
MD
LG