Onıñ aytqanına köre, qarar ğıyabiy rey berüvde qabul etildi. Böylece, «London» ve «Otel 1001 noç» şifahaneleri, Gaspra qasabasında «MARAT» otel parkı ve digerleri «devletleştirildi».
«Bu cedvelde çeşit agrar müessiseler, banklar (Ukrayına Devlet oşçad bankı), sport ve reabilitatsion merkezleri, Yaltadaki tennis klubı, İliç Mariupol metallurgik kombinatı bar», – dep qoştı Konstantinov.
Onıñ qayd etkenine köre, ukrayınalı iş adamı Viktor Pinçuk (Beloglinkada ev ve 455 metr kârelik topraq damartısız qaldı) ve sabıq halq deputatı, Qırımda doğğan Andriy Sençenkonıñ (Yaltaad mülki devletleştirildi.
Konstantinov bildirgenine köre, Keriçte 120 obyektten ibaret OOO «YUVAS-TRANS» şirketiniñ mülki, Aqşeyh, Saq ve Curçı rayonlarında 84 obyekti olğan OOO «KARAKAŞ AGRO» şirketiniñ mülki devletleştirildi.
Oktâbrniñ soñunda «Torgi» Rusiye devlet malümat sistemasınıñ saytında Ukrayına prezidentiniñ ömür arqadaşı Olena Zelenskanıñ «devletleştirilgen» dairesi 44,3 million rubleden satıldı.
Qırımnıñ Rusiye akimiyeti, tahminlerge köre ukrayınalı iş adamı İgor Kolomoyskıynıñ qurulışlarına ait, Partenitteki «devletleştirilgen» «Yevropa» raatlıq merkezini mezatqa çıqardı. Birinci fiyatı 446 mln ruble ola.
Qırımnıñ Rusiye yolbaşçısı Sergey Aksenov bildirgenine köre: Qırımda «ukrayınalı iş adamlarının» mülkinden kelgen para Rusiyeniñ Ukrayınağa qarşı cenkini maliye etecek.
Ukrayına prezidentiniñ Qırım Muhtar Cumhuriyetindeki daimiy vekili Tamila Taşeva bildirgenine köre, Ukrayına insan ve devlet aqlarını bozğan areketlerni qabul etmeycek. Mulk «devletleştirilüvi» ya da tazminatı, miras qararları aqqında aytıla.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
