Qırımnıñ rusiyeli parlamentiniñ spikeri Vladimir Konstantinov, Qırımnıñ rusiyeli başı Sergey Aksönovnıñ "Seniñ ükümetiñ" teşebbüsini tenqit etti. Bu teşebbüske köre, yarımada sakinleri yañı nazirler içün özleri rey bere bile.
"Bu boş bir fikirdir. Adamlar akimiyetke yeterli qadar inana, tarihımız yeterli qadar açıqtır", - dep yaza spikerniñ sözlerinden "Krıminform" matbuatı.
Konstantinov, Qırım sakinleri "malümatları yeterli olmağanı içün, nazir namzetlerine kereki kibi qıymet kesip olamazlar".
"Olarnıñ bütün malümatı yoq. Adam yahşımı-yaramaymı idareci olğanını añlağan adam qarar almalı", - dep qoştı Konstantinov.
Oktâbrniñ 10-unda Sergey Aksönov, "Seniñ ükümetiñ" leyhasını taqdim etti. Oña köre, munaqaşa vaqtında qırımlılar iştirakçilerniñ çıqışlarına telefon ya da onlayn rey berüvi vastasınen qıymet kese bile.
